No marco da Xornada de apoio ao pobo Palestino celebrada no Mercado da Reserva da Biosfera en Allariz, o pasado domingo 22 de decembro, presentamos “A balada do exilio” co autor Xulio Cid Neira, acompañado por Alfonso Rodríguez – o editor- e Ieltxu Marcos -artista e poeta- que recitou algúns versos de poetas palestin@s.
A iniciativa estivo promovida pola xente solidaria de Allariz, a través da cal facemos o envío do recadado coas vendas do libro. Ate o de agora logramos uns 1.000 € que foron enviados á Asociación de navegantes mariños palestinos que están a empregar os cartos para a potabilización de auga -sobre todo do mar- nun campamento de desprazados ao sur de Gaza. Continuaremos con esta pequena labor!
Booktrailer, a cargo de Adriana Pérez:
